Osmani e nis fjalimin vjetor me sulmin në Banjskë: Kosova do t`i mbrojë kufijtë e saj në çdo cep dhe me çdo kusht

Presidentja e Kosovës, Vjosa Osmani, fjalimin e saj vjetor para deputetëve të Kuvendit të Kosovës e ka filluar me sulmin terrorist që ndodhi në Banjskë, ku u vra heroi Afrim Bunjaku, përcjell “Kosova Sot Online”.

“Një vit i ballafaqimit me vështirësi në vecanti në fushën e sigurisë, meqë më 24 shtator Kosova u përballë me situatën më të rrezikshme që nga pavarësia e saj. Një grup terrorist paralamilitar i financuar, trajnuar dhe mbështetur nga Serbia, e mbi të gjitha i udhëruar nga lidershipi i këtij shteti kreu akt agresioni me planin e qartë që të aneksohet veriu i Kosovës dhe tyë shkaktohet destablizim jo vetëm i vendit tonë, por i të gjithë rajonit. Në këtë ditë Kosova u përballë me një agresor tinëzar në veprim, por të dukshëm në ambicie, me synimin e qartë të cënimit të themelit të shtetit tonë, Republikës, për të cilën ranë shumë dëshmorë ndër breza”, ka deklaruar Osmani.

Osmani tha se Kosova do t`i mbrojë kufijtë e saj në çdo cep dhe me çdo kusht.

“Ata vranë një, por mobilizuan shumë djem e vajza nga radhët e Policisë, të cilët po atë ditë dhanë mesazh të qartë: Kosova nuk zmbrapset, Kosova nuk thyhet dhe Kosova do t`i mbrojë kufijtë e saj në çdo cep dhe me çdo kusht”, ka thënë në ekspozenë e saj Presidentja Osmani.

(Kosova Sot Online)