Lexoni edhe:
Arrestohen dy persona, dyshohen për disa raste të vjedhjeve të rënda
Një total prej 31 dronësh janë nisur nga Rusia drejt territorit ukrainas natën e mbrëmshme, por 30 prej tyre janë rrëzuar, ka thënë të shtunën ushtria ukrainase. Kryeqyteti i Ukrainës, Kievi, ka qenë në mesin e qyteteve të shënjestruara, transmeton "Kosova Sot Online".
Komandanti rajonal ushtarak, Serhiy Popko, ka thënë se nuk ka raportime për të plagosur, pas rrëzimit të copëzave të raketave.
Arrestohen dy persona, dyshohen për disa raste të vjedhjeve të rëndaLexoni edhe:
Rusia e ka rritur së fundi shkallën e sulmeve ajrore mbi Ukrainë, duke nisur dronë dhe raketa balistike. Në dimrin e vitit të kaluar, sulmet kanë pasur shënjestër sidomos infrastrukturën e energjisë. Dronët, të cilët janë të mbushur me lëndë shpërthyese, janë kryesisht të prodhuar prej Irant. Mirëpo, sistemet raketore për mbrojtje, të cilat i janë dorëzuar Ukrainës nga vendet aleate, janë duke e bërë punën e tyre, duke e mbrojtur Ukrainën prej shumicës së sulmeve të tilla. Lufta e plotë e Rusisë në Ukrainë ka nisur më 24 shkurt 2022. Presidenti rus Vladimir Putin e quan luftën si “operacion special ushtarak” për të çmilitarizuar Ukrainën. Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra. Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre.
(Kosova Sot Online )