Fushë Kosovë: Një person plagoset me armë zjarri

Një person është plagosur me armë zjarri mbrëmë në Fushë Kosovë, përcjell “Kosova Sot Online”.

Sipas policisë deri tek ky incident ka ardhur pas një mosmarrëveshje në mes të dy grupeve me nga dy persona.

Lidhur me këtë rast janë arrestuar dy persona, teksa dy të tjerë mbetën të ende të panjohur për policinë.

I dyshuari i plagosur gjendet në QKUK-së për trajtim mjekësor me përcjellje policore, ndërsa tek i dyshuari i dytë është gjetur dhe konfiskuar një pistoletë.

Për këtë rast policia ka identifikuar edhe një person që gjendet në arrati.

Ndërsa, rasti lidhur me këtë ngjarje është duke u hetuar.

“Rr.Nëna Terezë-Fushë Kosovë,20.12.2023-22:00. Janë arrestuar dy të dyshuar meshkuj kosovarë pasi që pas një mosmarrëveshje me dy të dyshuar të tjerë për momentin të panjohur ka ardhur deri tek incidenti i plagosjes me armë zjarri te njërit prej të dyshuarve të lartcekur. I dyshuari i plagosur gjendet në QKUK-së për trajtim mjekësor me përcjellje policore, ndërsa tek i dyshuari i dytë është gjetur dhe konfiskuar një pistoletë. Lidhur me rastin është identifikuar edhe i dyshuari i tretë i cili deri me tani gjendet në arrati. Është konsultuar prokurori kujdestar i cili ka lëshuar aktvendim mbi ndalimin e personave te dyshuar. Rasti është duke u hetuar”, thuhet në njoftim.

(Kosova Sot Online)