Njihuni me familjen që u kthye në Kosovë pas disa vitesh qëndrimi në Zvicër

Pas 36 vjetëve jetesë në Zvicër, një familje është kthyer për të jetuar në fshatin Raçë të komunës së Gjakovës, transmeton gazeta “Kosova Sot Online”.

Bëhet fjalë për familjen Dilla, nga e cila janë shprehur se ka qenë ëndërr e kamotshme e tyre për t’u kthyer në Kosovë.

“Kur kemi vendosur të shkojmë në Zvicër, ka qenë periudhë tjetër. Ne e kemi quajtur mërgim të përkohshëm dhe kemi dashur të kthehemi, por nuk kemi mundur edhe aq shpejt, pasi kemi pasur edhe obligime ndaj fëmijëve”, është shprehur Gjon Dilla.

Tutje ai e ka falënderuar bashkëshorten e tij për mbështetjen në lidhje me kthimin në Kosovë, teksa ka thënë se kanë vendosur që vitet e fundit të jetës t’i kalojnë në Kosovë

Kjo e fundit u shpreh si e kanë pritur gjatë kthimin në Kosovë.

“Ka qenë ëndërr e burrit tim të kthehemi në Kosovë dhe unë kam bërë çmos t’ia realizoj këtë ëndërr, për të dhe për vete. Kthimi në Kosovë ka qenë i vështirë derisa jemi ambientuar, por nuk jemi penduar që jemi kthyer, jemi shumë të lumtur”, është shprehu Zoje Dilla.

(Kosova Sot Online)