Kështu duket Xhamia e Madhe në fazën e ndërtimit në të cilën ndodhet për momentin
Kryetari i Bashkësisë Islame të Kosovës, Myftiu Naim Tërnava, mirëpriti në punishten e Xhamisë Qendrore në Prishtinë Necmeddin Bilal Erdoganin, i cili po qëndron për vizitë në Kosovë, përcjell “Kosova Sot Online”.
Siç njofton BIK-u, myftiu Tërnava, pasi i shprehu mirëseardhje mysafirit, e njohu më pas atë me ecurinë dhe zhvillimin e punimeve në ndërtimin e Xhamisë Qendrore.
Tërnava e falënderoi Erdoganin për vizitën dhe për mbështetjen e shtetit turk, gjegjësisht fondacionit “Dijanet” në ndërtimin e Xhamisë Qendrore në Prishtinë.
(Kosova Sot Online)
