Hill: SHBA e ka të qartë se zgjedhjet e kaluara kanë treguar mangësi në proceset zgjedhore në Serbi

Ambasadori i SHBA-së në Beograd, Christopher Hill, i sheh si “qesharake” pretendimet e zyrtarëve rusë se Perëndimi po inkurajon një “revolucion me ngjyrë” ose “Maidan” në Serbi dhe shtoi se “askush nuk po inkurajon një revolucion”, transmeton gazeta “Kosova Sot Online”.

Hill tha se SHBA e ka të qartë se zgjedhjet e kaluara kanë treguar mangësi në proceset zgjedhore në Serbi, të cilat duhet të zgjidhen.

“Komuniteti ndërkombëtar, duke përfshirë OSBE-në, është i gatshëm të ndihmojë. Por përparimi demokratik i Serbisë në fund të fundit varet nga qytetarët e saj. I vetmi aktor ndërkombëtar që qëndron në rrugën e përparimit është Rusia – as Amerika, as Evropa, dhe askush tjetër në Perëndim”, tha ambasadori.

Ai tutje tha se Rusia ka mbetur pa miq dhe kjo i shtyen ata t’i përdorin për qëllimet e veta zgjedhjet e fundit në Serbi.

Ai vlerësoi se Rusisë i kanë mbetur pak miq, veçanërisht në Evropë, dhe kjo është arsyeja pse ajo vendosi t’i përdorë zgjedhjet në Serbi “në një përpjekje të dëshpëruar për të mbetur aktuale”, si dhe në këtë mënyrë po përpiqet të krijojë një “përçarje mes Serbisë dhe partnerët euroatlantik”, për ‘Blic’-in serb.

“Gjithçka që i ofrojnë Serbisë është jo stabiliteti dhe e kundërta e progresit”, tha ambasadori amerikan.

(Kosova Sot Online)