Rreth 1000 automjete të bllokuara në Suedi nga bora

Si pasojë e reshjeve të bores në Suedi janë bllokuar rreth 1000 vetura për më tepër se 24 orë në një prej rrugëve kryesore të Suedisë, transmeton gazeta "Kosova Sot Online".

Sipas raportimeve nga BBC, autoritetet suedeze kanë njoftuar se ekipet e shpëtimit kanë punuar gjatë natës për të evakuuar personat e ngujuar në rrugën kryesore “E22” në zonën Skane në jug të Suedisë.

Kaosi u shkaktua pas rënies së temperaturave nëpër shtetet nordike, ndërsa moti ekstrem ka goditur disa pjesë të Suedisë, Finlandës dhe Norvegjisë.

Ndërkaq, stuhitë e borës në Danimarkë kanë bllokuar shoferët në autostradë në afërsi të Aarhusit nga dje teksa sipas stacionit meteorologjik në veri të Suedisë janë regjistruar netët më të ftohtë në 25 vjetët e fundit të martën, ku temperaturat arritën në minus 43.6 gradë Celsius.

(Kosova Sot Online)