Kurti: Kosova duhet të mësojë nga përvoja dhe suksesi i Irlandës
Kryeministri i Kosovës, Albin Kurti, tha se me kryeministrin e Irlandës, Leo Varadkar biseduan për thellimin e miqësisë, përcjell “Kosova Sot Online”.
“Kemi ngjashmëri që ne i ndajmë… Nga pikëpamja shoqërore, populli ynë shquhet për ngrohtësinë dhe mikpritjen e tij pavarësisht vështirësive që ka përjetuar”, tha Kurti në konferencën e përbashkët për media.
“Të dy shtetet gëzojmë një aleancë të palëkundur dhe lidhje të ngushta me Shtetet e Bashkuara të Amerikës”, shtoi ai.
Kurti tha se “Irlanda është mbështetëse e Kosovës për anëtarësimin si në Këshillin e Europës, si dhe për anëtarësim në Bashkimin Europian”. Ai tha se i kërkoi kryeministrit irlandez mbështetje për të marrë statusin e vendit kandidat.
(Kosova Sot Online)