Policia kontrolloi 570 vetura në 24 orët e fundit, sekuestroi 20 patentë shofer

Policia e Kosovës ka njoftuar se në 24 orët e fundit ka kontrolluar 570 vetura, në kuadër të aktiviteteve për parandalimin e aksidenteve në trafik, përcjell “Kosova Sot Online”.

Për shkelje më të rënda në trafik, Policia e Kosovës ka konfiskuar 20 patentë shoferë.

Tutje, Policia apelon te të gjithë pjesëmarrësit në trafik, që t’i zbatojnë rregullat dhe shenjat e trafikut në mënyrë që të reduktohen aksidentet rrugore.

“Gjatë zbatimit të detyrave që dalin nga ky urdhër, policia e trafikut dhe ajo e rendit publik, gjatë 24 orëve të shkuara (11.01.2024), në të gjitha rajonet e vendit kanë vendosur e zbatuar shumë Pika Kontrolli për Vetura (PKV), kështu që janë realizuar gjithsej 570 Pika Kontrolli për Vetura.

Për shkelje më të rënda në trafik, ashtu siç parashihet me ligjet në fuqi, Policia e Kosovës ka konfiskuar 20 patentë shoferë. Policia edhe një herë apelon te të gjithë pjesëmarrësit në trafik, që t’i zbatojnë rregullat dhe shenjat e trafikut në mënyrë që të reduktohen aksidentet rrugore”, thuhet në njoftim.

(Kosova Sot Online)