Raportohet se një person është plagosur në Prishtinë

Raportohet se një person është plagosur si pasojë e gjuajtjes me armë zjarri sonte rreth orës 20:15, në rrugën “Bajram Bahtiri” në Prishtinë, transmeton gazeta "Kosova Sot Online".

I plagosuri është dërguar në QKUK për trajtimin e nevojshëm mjekësor.

Policia po punon për identifikimin e të dyshuarve.

Këto informata i dha Florie Ahmeti, zëdhënëse në policinë e Prishtinës.

“Me të marrë informatën, policia ka dalë në vendin e ngjarjes dhe nga informacionet e para është bërë e ditur se për pasojë një person ka marrë plagë nga arma e zjarrit. Ndërkohë që i plagosuri është dërguar në QKUK për trajtimin e nevojshëm mjekësor, policia po vijon punën e saj me veprime të ekzaminimit të vendngjarjes si dhe me veprime të tjera operativo-hetimore me qëllim identifikimin e të dyshuarve të implikuar në rast, si dhe sqarimin e plotë të rrethanave të ngjarjes”, tha ajo 

(Kosova Sot Online)