Lexoni edhe:
Alarmon Rada Trajkoviq: Bomba në Mitrovicë është mesazh për serbët që mund të pësojnë si Ivanoviq
Deputeti shqiptar i Luginës së Preshevës Shaip Kamberi kundër shërbimit të detyrueshëm ushtarak për shiptarët në Serbi
Deputeti i vetëm shqiptar në Parlamentin serb, Shaip Kamberi, ka thënë se paralajmërimi për shërbimin e detyrueshëm ushtarak në Serbi duhet të refuzohet nga shqiptarët e Luginës së Preshevës, transmeton "Kosova Sot Online ".
Ai nëpërmjet një statusi në Facebook theksoi se rajoni ka nevojë për paqe dhe progres, pasi vendimet e tilla i rikthejnë vitet e 90-ta.
“Paralajmërimet për shërbim të detyrueshëm ushtarak në Serbi, edhe pse levizje strategjike marketingu nga Presidenti Aleksandar Vuçiq është I papranueshëm dhe duhet të refuzohet nga shqiptarët e Luginës së Preshevës”, shkroi Kamberi.
Kamberi tha se Serbia, sot nuk është e kërcënuar nga asnjë prej vendeve fqinje.
“Madje përkundrazi, rasti i 24 shtatorit vitit të kaluar në Banjskë ka treguar për cenimin e integritetit të vendeve fqinje dhe kush synon agresori”.
Sipas deputetit shqiptar në parlamentin serb, rajoni ka nevojë për paqe dhe progres, ndryshe vendimet e këtilla luftënxitëse vetëm sa na rikthejnë në vitet e 90-ta.
(Kosova Sot Online )
