SHSKUK del me njoftim: Mjetet shpërthyese të gjetura dyshohet të jenë nga koha e paraluftës
Për mjetet shpërthyese që janë gjetur sot në një prej objekteve të QKUK-së, ka dhënë informacione Shërbimi Spitalor i Kosovës, transmeton gazeta “Kosova Sot Online”.
SHSKUK njofton se
Informacionet për gjetjen e mjeteve të dyshimta janë dhënë rreth orës 14:00 dhe në vendin e ngjarjes kanë dalë Policia e Kosovës e cila ka ndërmarrë gjitha veprimet e nevojshme për sigurimin nga rreziku evnetual i shpërthimit.
Njoftimi i plotë:
Rreth orës 14:00, është pranuar informata për një mjet të dyshimtë, që dyshohet të jetë mjet shpërthyes, në Institutet Paraklinike, në QKUK, hapësirat ku është vendosur Oda e Mjekëve e Kosovës.
Menjëherë pas marrjes së informatës, policia ka dalë në vendin e ngjarjes dhe ka ndërmarrë të gjitha veprimet e nevojshme për të siguruar nga rreziku i shpërthimit eventual, duke evakuar personelin përreth dhe siguruar perimetrin e nevojshëm.
Në vendngjarje po ashtu janë ftuar edhe ekipet e specializuara të Policisë së Kosovës për menaxhimin e mjeteve shpërthyese.
Mjetet dyshohet të jenë nga koha e paraluftës dhe janë gjetur gjatë inventarizimit të inventarit nga Oda e Mjekëve.
(Kosova Sot Online)
bëhet fjalë për mjete shpërthyese të cilat dyshohet të jenë nga koha e paraluftës dhe që janë gjetur përgjatë inventarizimit të invertarit nga Oda e Mjekëve.
