Abdixhiku takon kryediplomatin shqiptar Igli Hasani

Kryediplomatin shqiptar, Igli Hasani ka pritur sot në takim kryetari i LDK-së, Lumir Abdixhiku, transmeton gazeta “Kosova Sot Online”.

Abdixhiku dhe Hasani kanë folur për zhvillimet aktuale në theks të veçantë për politikën e jashtme.

Abdixhiku e ka përmendur si të rëndësishme bashkëpunimin me Shqipërinë, sidomos në arenën ndërkombëtare dhe ka falënderuar Hasanin për përkrahjen e vazhdueshme të Shqipërisë.

Njoftimi i plotë i LDK:

Kryetari i Lidhjes Demokratike të Kosovës, Lumir Abdixhiku ka pritur në takim ministrin për Evropën dhe Punët e Jashtme të Shqipërisë, Igli Hasani.

Në këtë takim, kryetari Abdixhiku dhe ministri Hasani diskutuan rreth zhvillimeve aktuale politike në Kosovë dhe Shqipëri, me theks të veçantë për politikën e jashtme.

Kryetari Abdixhiku, theksoi rëndësinë e bashkëpunimit me Shqipërinë, sidomos në arenën ndërkombëtare, si dhe falënderoi ministrin Hasani për mbështetjen e vazhdueshme të Shqipërisë në të gjitha proceset e vendit tonë.

Gjatë takimit është diskutuar në veçanti për thellimin e këtij bashkëpunimi ndërmjet Kosovës dhe Shqipërisë në interes të përshpejtimit të procesit integrues të vendit tonë në strukturat euroatlantike. Shqipëria padyshim që ka dhënë kontribut të jashtëzakonshëm në këtë drejtim duke ndihmuar Kosovën edhe në anëtarësimin e saj në organizata ndërkombëtare.

(Kosova Sot Online)