Arrestohet një kirurg në Spitalin e Gjilanit, sulmoi fizikisht kolegun e tij
Një kirurg në Spitalin e Gjilanit është arrestuar, pasi dje ka sulmuar fizikisht kolegun e tij, përcjell “Kosova Sot Online”.
Rastin e ka konfirmuar Ismet Hashani, zëdhënës i Policisë së Kosovës për rajonin e Gjilanit.
Hasani ka treguar se viktima ka pranuar trajtim mjekësor.
“Ankuesi (sh/k/m 1978) i cili punon mjek në Spitalin Regjional në Gjilan derisa ishte në zyrën e tij tek reparti i Kirurgjisë është sulmuar fizikisht nga kolegu i tij i dyshuari L. M. duke pësuar lëndim të lehtë trupor dhe ka pranuar tretman mjekësor”.
Hashani ka thënë se i dyshuari është larguar nga vendngjarja, ndërsa me vendim të prokurorit të shtetit i njëjti më pas është dërguar për 48 orë në mbajtje.
(Kosova Sot Online)