Reshjet e borës në Prishtinë, Rama: Po kujdesemi që qarkullimi të mos jetë i vështirësuar
Kryetari i Prishtinës, Përparim Rama, ka dhënë informacione për gjendjen e rrugëve të kryeqytetit pas rreshjeve të borës, përcjell “Kosova Sot Online”.
Rama ka shkruar se kompanitë e pastrimit janë në terren dhe se ekipet e Komunës bashkë me zjarrfikësit po kujdesen që qarkullimi të mos jetë i vështirësuar.
Tutje, Rama ka kërkuar nga shoferët që të kenë kujdes gjatë vozitjes.
Reagimi i plotë:
Bora ka mbuluar Prishtinën tonë dhe ne po mirëmbajmë rrugët e kryeqytetit.
Kompanitë gjatë gjithë kohës janë në terren, të gjitha ekipet tona bashkë me zjarrfikësit po kujdesen që qarkullimi mos të jetë i vështirësuar.
Të dashur qytetarë,
Ju lutem të keni kujdes dhe të ndiqni rregullat gjatë vozitjes në këtë periudhë të vështirë me borë, duke pasur parasysh se po bie vazhdimisht.
Ju lutem kujdes, ruani distancën e sigurt në rrugë.
Çdo rast rreziku raportoni në Qendrën Operative Emergjente të Kryeqytetit në numrat:
0800 122 33 ose
0800 122 44
Ju uroj fundjavë të mbarë♥️
Drejtoria e Shërbimeve Publike
Ilirik Musliu
Drejtoria për Siguri dhe Emergjenca
Lulzim Fushtica
#prishtinapraktike
(Kosova Sot Online)