Borell me akuza të hapura ndaj Izraelit: Financuat Hamasin për ta dobësuar Autoritetin Palestinez

Kryediplomati i BE-së Josep Borrell të premten ka akuzuar hapur Izraelin se kishte financuar grupin militant palestinez të Hamasit. Siç citohet nga prestigjiozja spanjolle “El Pais”, Borell ka thënë se një gjë të tillë Izraeli e ka bërë për ta dobësuar Autoritetin Palestinez, shkruan Politico, trasnmeton "Kosova Sot Online ".

“Hamasi u financua nga qeveria izraelite në një përpjekje për të dobësuar Autoritetin Palestinez”, citohet të ketë thënë Borrell nga gazeta spanjolle El País. Këto deklarime Borrell i ka bërë derisa po fliste në Universitetin e Valladolidit të Spanjës, ku politikanit spanjoll iu dha një doktoratë nderi.

Lexoni edhe:

Java e 18-të në Superligë nis sot me dy derbi

Në fjalimin e tij të premten, Borrell – i cili është përgjegjës për politikën e jashtme të BE-së – theksoi gjithashtu se krijimi i një shteti palestinez është i nevojshëm për të zgjidhur konfliktin në vazhdim.

“E vetmja zgjidhje është krijimi i dy shteteve që ndajnë tokën për të cilën ata kanë vdekur për 100 vjet”, citohet të ketë thënë Borrell. Ai shtoi se një zgjidhje e tillë duhet të “imponohet nga jashtë”.

Ndërkohë përgjigja e Izraelit ndaj deklarimeve të Borell ka qenë e ashpër, duke mohuar akuzat.

“Zoti. Borrell e ka gabim. Larg përpjekjes për të forcuar Hamasin, siç pretendoi shefi i politikës së jashtme të BE-së, kryeministri Benjamin Netanyahu goditi fort Hamasin në tre operacione ushtarake në shkallë të gjerë; në 2012, 2014 dhe 2021”, tha në një deklaratë Ophir Falk, këshilltari kryesor i Netanyahut për politikën e jashtme.

 “Pas masakrës së 7 tetorit të mbi 1000 izraelitëve dhe mbi 250 pengjeve, kabineti i luftës i zotit Netanyahu udhëzoi ushtrinë izraelite të shkatërronte Hamasin”, ka shtuar ai.

(Kosova Sot Online )