Lexoni edhe:
Bërnabiq: Presidenti ynë në Shkup po lufton për Kosovën
Gjenden dy turistët zviceranë që i kishte zënë orteku në Shqipëri, pritet të evakuohen përmes helikopterit
Shërbimi i Kërkim- Shpëtimit Malor të Kosovës ka njoftuar se janë lokalizuar dy turistët zviceranë që i kishte zënë orteku brenda, transmeton "Kosova Sot Online".
Në njoftim thuhet se turistët janë në gjendje stabile shëndetësore.
“Një skuadër e ShKShMK, gjendet në një operacion të ndërlikuar dhe me rrezikshmëri të lartë të kërkim- shpëtimit në afersi të fshatit Çajë, ne zonën e Kukësit, Shqipëri. Për më shumë se 13 orë në aksion, është bërë lokalizimi i dy turistëve zviceran të cilët si pasojë e reshjeve të dendura të borës në ditët e fundit, kanë pësuar nga orteku i cili i ka zënë mbrenda. Në orët e vona të mesnatës është bërë nxjerrja e tyre nga orteku nga anëtarët e ShKShMK-së, ku rrezikshmëria dhe zona tepër e papërshtatshme për intervenim dhe logjistikë, e kanë bërë këtë aksion tepër të ndërlikuar. Turistët janë në gjendje stabile shëndetësore, duke pësuar hipotermi dhe dyshohet për fraktura të gjymtyrëve, të cilat mbesin të vërtetohen nga ekzaminimet e mëtutjeshme mjekësore. Pritet të bëhet evakuimi i tyre permes helikopterit të Emergjencave Shtetërore të Shqipërisë. Për informata më të hollësishme ju njoftojmë me kohë”, thuhet në njoftim.
(Kosova Sot Online )
