Merret vendim ndaj dy të miturve të dyshuar për vrasjen e 18 vjeçarit nga Podujeva

Gjykata Themelore në Prishtinë iu ka caktuar masën e paraburgimit dy të dyshuarve Artiol Abdullahut dhe Elton Kadriut për vrasjen e 18 vjeçarit, Lulzim Zejnullahu, transmeton gazeta "Kosova Sot Online"..

Këtë e ka konfirmuar zëdhënësja e gjykatës, Mirlinda Gashi.

“Është marrë vendimi ndaj tyre, tashmë iu është caktuar masa dhe janë dërguar në mbajtje”, ka thë Gashi.

Lulzim Zejnullahu, 18-vjeçar, mbeti i vdekur si pasojë e lëndimeve nga dy të dyshuar të moshës së mitur.

Fejzullahu u dërgua për trajtim në spital, pasi mori lëndime të rënda.

I ndjeri vdiq të shtunën, pasi nuk i përballoi plagëve të marra. Në një video të shpërndarë nga mediat, Zejnullahu shihet të jetë goditur me shufër metalike pamëshirshëm nga njëri prej të dyshuarve.

(Kosova Sot Online)