Kurti jep detaje për sulmin e dytë të forcave serbe ndaj Jasharajve në vitin 1998

Kryeministri i vendit, Albin Kurti, ka kujtuar 22 janarin e vitit 1998, ditën kur kur njësite të policisë së Serbisë, e kryen aksionin e dytë kriminal mbi familjen e Shaban Jasharit në Prekaz të Poshtëm të Drenicës, transmeton Kosova Sot Online.

Kryeministri Kurti, ngjarjen makabre e ka përshkuar në detaje, “atë ditë të enjte, rreth orës 05:25 të mëngjesit, policë të njësiteve speciale të Serbisë që ishin stacionuar në fabrikën e municionit në Prekaz, nisën një aksion të rrufeshëm mbi shtëpitë e Shaban Jasharit. Duke dashur t’i zinin në befasi, synonin t’i arrestonin apo edhe t’i vrisnin dy djemtë e Shabanit: Hamzën dhe Ademin, por pa e kursyer askënd. Kishte gjashtë muaj që policia e vëzhgonin edhe me kamera 24 orë shtëpinë dhe familjen e Shaban Jasharit, prej nga pothuajse gjithçka ishte planifikuar në shërbim të këtij aksioni”.

(Kosova Sot Online)