Konfiskohen 59 makina për prodhimin e kriptovalutave në veri
Raportohet se Policia e Kosovës ka konfiskuar 59 makina për mihjen e kriptovalutave sot në veri, transmeton gazeta "Kosova Sot Online".
Lajmin e ka konfirmuar zëvendësdrejtori i Policisë për Rajonin e Veriut, Veton Elshani.
Elshani ka thënë se nuk ka të arrestuar për rastin.
“Sot në orët e paradites pas pranimit të informacioneve nga qytetarët, policia ka ndërhy në dy shtëpi në Mitrovicën e Veriut ne rrugën “Çeta e Minatorëve” dhe ka konfiskuar 59 makina për mihjen e kriptovalutave. Dogana e Kosovës i ka pranuar këto duke marr parasysh se kjo është kundërvajtje doganore. Nuk ka të arrestuar”, ka thënë Elshani.
(Kosova Sot Online)
