Një person arrestohet në Vërmicë, tentoi t’i japë ryshfet 10 euro policit
Një person është arrestuar në pikën kufitare në Vërmicë, pasi ka rezultuar si i kërkuar nga autoritetet shqiptare, përcjell “Kosova Sot Online”.
I dyshuari në një moment i ka ofruar një shumë prej 10 euro zyrtarit policor, në këmbim të mundësisë për ta kaluar kufirin pa u dorëzuar te autoritetet shqiptare.
Njoftimi i Policisë:
DHËNJE E RYSHFETIT
PKK Vërmicë 25.01.2024 – 12:00. Është arrestuar i dyshuari shtetas i Shqipërisë, pasi i njëjti ka rezultuar i kerkuar nga autoritetet Shqiptare. Në një moment derisa zyrtari policor ka qenë duke i përfunduar procedurat e dorzimit të dyshuarit tek autoritetet shqiptare, i njëjti ka ofruar një shumë prej 10 € në këmbim të mundësisë për të kaluar kufirin pa u dorëzuar te autoritetet shqiptare. Me vendim të prokurorit i dyshuari është liruar, rasti vazhdon në procedurë të rregullt.
(Kosova Sot Online)