Vendoset gurëthemeli i Qendrës Rezidenciale për të moshuarit në Podujevë

Në Podujevë është vendosur gurthemeli për ndërtimin e Qendrës Rezidenciale për persona të moshuar, përcjell “Kosova Sot Online”.

Me këtë rast, kryeministri Albin Kurti tha se e njëjta do të ketë sipërfaqe 2,700 metra katrorë.

“Kjo qendër do ta ketë sipërfaqe 2,700 metra katrorë. 530 mijë euro janë investime nga shteti, komuna, ndërsa investim i organizatës do të ketë dy milionë euro. Kjo qendër do ta ketë bujtinën, parkun, fizioterapinë dhe kujdesin primar shëndetësor. Do të jetë moderne me kushte të mira për ata të moshuar që do ta gëzojnë pleqërinë e tyre këtu”, shtoi ai.

Po ashtu, prezent ishte edhe drejtori i shoqatës “Jetimat e Ballkanit”, Halil Kastrati, ku tha se projekti është kuzhinë humanitare për 200 familje nevojtare.

“Është projekti i dytë si ky i sotmi pas atij në Vushtrri. Projekti është kuzhinë humanitare për 200 familje nevojtare. E kemi zgjedh ditën e sotme pasi jemi në prag të ditës së heronjve të Podujevës, e unë i falënderoj familjarët e tyre për pjesëmarrje”, tha ai.

(Kosova Sot Online)