Lajçak paralajmëron takim me presidentin serb Aleksandar Vuçiq

 I dërguari i Bashkimit Europian për dialogun ndërmjet Kosovës dhe Serbisë, Miroslav Lajçak, ka paralajmëruar takim me presidentin serb Aleksandar Vuçiq  për nesër në Beograd në ora 12:30, transmeton gazeta “Kosova Sot Online”.

Presidenca serbe nuk konfirmoi se do të ketë një konferencë të përbashkët, por tha se pas takimit do të dërgohet një komunikatë për media.

Gjithashtu nuk janë bërë të ditura temat që do të diskutohen, ashtu si arsyeja e vizitës.

Por takimi mbahet dy ditë para se të hyjë në fuqi rregullorja e re e Bankës Qendrore të Kosovës për përjashtimin e dinarit serb si valutë e përdorshme për transaksione në vend.

Komuniteti ndërkombëtar është shprehur i shqetësuar për këtë vendim, duke i kërkuar Kosovës konsultim me komunitetet. Sot, QUINT-i kërkoi pezullimin e këtij vendimi.

(Kosova Sot Online)