Publikohet raporti: Ja sa ndërmarrje u shuan për tre muaj në Kosovë

Agjencia e Statistikave të Kosovës ka publikuar shifrat e raportit të tremujorit të katërt për ndërmarrjet e reja dhe të mbyllura.

Sipas këtyre të dhënave, në TM4 2023 krahasuar me TM3, ka rënie të ndërmarrje të regjistruar për -1.08 për qind.

“Në TM4 2023, krahasuar me tremujorin paraprak (TM3 2023) ka rënie për (-1,08%) të ndërmarrjeve të regjistruara. Ndërsa, krahasuar me tremujorin e njëjtë të vitit paraprak (TM4 2022) ka rritje për 7,01% të ndërmarrjeve të regjistruara.” – thuhet në raportin e ASK-së.

Ndërkohë, gjatë muajve të fundit të vitin 2023, janë mbyllur 397 ndërmarrje apo një rritje prej 5.6 për qind krahasur me TM3.

“Sa i përket ndërmarrjeve të shuara, në TM4 2023 ishin 397 ndërmarrje ose një rritje prej 5,6%, krahasuar me tremujorin paraprak (TM3 2023). Ndërsa, krahasuar me tremujorin e njëjtë të vitit paraprak (TM3 2022) kishte rënie prej (-13,1%) të ndërmarrjeve të shuara.” – thuhet në raportin e ASK-së.

Sipas Aleanca Kosovare të Bizneseve (AKB), gjatë vitit 2023 në Kosovë janë mbyllur rreth 1 mijë e 600 biznese.

Si pasojë e mbylljes së këtyre bizneseve, AKB-ja ka thënë se kanë mbetur pa punë rreth 5 mijë punëtorë.

“AKB në bazë të dhënave që posedon të vitit 2023 u mbyllen mbi 1600 biznese të sektorve të ndryshëm nga të gjitha regjionet dhe komunat e Kosovës, këto kompani kishin mesatarisht 1-4 puntorë ku mbetën pa punë rreth 5000 puntorë.” – thuhet në reagimin e tyre.

“Kryetari i AKB-së Agim Shahini e vlersonë se trendi i hapjes dhe i mbylljes së bizneseve në Kosovë gjatë tri vitëve të fundit ishte mesatarishtë i njejtë rreth 11000 biznese të hapur dhe mbi 1600 të mbyllur.” – thuhet tutje.

AKB-ja në reagimin e tyre në Facebook, ka thënë se viti 2023 ishte vit sfiduese në aspektin ekonomik të vendit.

“AKB e vlerson se viti 2023 ishte sfidues për Kosovën si në aspekte ekonomike, politike, integruese dhe në atë të Sigurisë ku ka ndikuar në rënje të investimeve dhe zhvillimit ekonomik në Kosovë. Ekonomia kishim rënie të zhvillimit në krahasim me vitet paraprake si në investime, investime kapitale, eksporte por edhe kishim shurje të bizneseve.” – thuhet ndër të tjera në reagimin e ABK-së.

(Kosova Sot Online)