Turqia - SHBA-së: Nuk pranojmë kushte për avionët F-16

Ka qenë i menjëhershëm reagimi i Ministrisë së Mbrojtjes së Turqisë ndaj kushteve të vendosura nga Departamenti i Shtetit në një letër dërguar Kongresit. Burime turke raportojnë se Turqia nuk do të pranojë diçka të tillë, transmeton gazeta “Kosova Sot Online”.

Askush nuk mund t’i ofrojë një gjë të tillë palës turke, aq më pak ta pranojë. Turqia, si një vend i pavarur që mund të marrë vendimet e veta, do të blejë F-16 që i nevojiten pa pyetur askënd, sipas burimeve.

Përveç kësaj, procesi për marrjen e avionëve po përparon. Ka një periudhë dy javësh kundërshtimesh për Kongresin. Në rast se nuk ka kundërshtim nga anëtarët e komisionit kompetent, kërkesa për shitje dhe modernizim do të pranohet pa votim.

Në një letër dërguar Kongresit, duket se janë vendosur kushte të qarta për dorëzimin e F-16-ve të rinj në Turqi. Në veçanti thuhet se F16-të që do të marrë Ankaraja nuk do të mund të përdoren përveçse për qëllime të NATO-s, raportojnë mediat e huaja.

Më tej, në letër thuhet se në rast të shkeljes së kushteve, Ministria e Jashtme Amerikane do të ndërmarrë një nismë diplomatike për zgjidhjen e çështjes, ndërsa në rast se kjo nuk është e mundur, atëherë dorëzimi i avionit ndërpritet siç ishte rasti me F35.

Në një intervistë, zëvendëssekretari amerikan i shtetit tha se nëse Shtetet e Bashkuara dhe Turqia mund të zgjidhin çështjen e S-400, “SHBA-të do të jenë të lumtura ta mirëpresin Turqinë në familjen F-35”.

Avioni që aktualisht turqit dëshirojnë dëshpërimisht, F-16, ka një radar të skanuar elektronik AESA, sistemin e ndërfaqes dixhitale taktike LINK16, i cili do t’i lejojë avionit të ndajë objektivat me njëri-tjetrin, si në ajër ashtu edhe në tokë, për të shkëmbyer elementë së bashku me Rafale.

Gjithashtu, ata mund të komunikojnë me anije luftarake dhe të shohin se çfarë mund të shohin të gjithë të tjerët në ajër dhe det.

(Kosova Sot Online)