Ja kush thotë: Jemi të gatshëm për zgjedhje
Nga Aleanca për Ardhmërinë e Kosovës kanë folur sot lidhur me deklaratën e presidentes Vjosa Osmani për zgjedhjet e reja, transmeton gazeta “Kosova Sot Online”.
Deputetja e kësaj partie, Time Kadrijaj tha se AAK është e gatshme për zgjedhje.
Spas saj, partia në fjalë është mjaftë e strukturuar e organizuar në të gjitha aspektet.
“AAK çdo herë është e gatshme kemi pesë komuna që i udhëheqim dhe kryetarët janë me përformanca të mira, jemi të strukturuar e organizuar gjithandej”, thotë Kadrijaj.
Kadrijaj thotë se Kurti me kauzat që ka ardh në pushtet është në situatë të ndërlikuar.
Me deklaratat se nuk e pranon Asociacionin, Kurti dëshiron t’i fitoj votat e qytetarëve, thotë Kadrijaj.
“Çështja e dialogut edhe e marrëveshjes së Asociacionit ende nuk është e kryer, kërkesat e vazhdueshme të faktorit ndërkombëtarët për fillimin e implementimit edhe për zgjedhjet e reja e implementimin e Asociacionit janë temat e kauzave që Kurti ka ardh në pushtet të cilat tash i ka pranuar dhe gjendet në një situatë të ndërlikuar. Pikërisht për çështjen e Asociacionit do të shkojë në zgjedhje të thotë që nuk e ka pranuar që me i fitu votat se nëse e pranon e din që nuk i fiton”, deklaroi Kadrijaj.
Presidentja e vendit, Vjosa Osmani ka thënë sot zgjedhjet e rregullta në vend parashihen të mbahen në fillim të vitit 2025-të, ndërkaq sipas saj nëse partitë politike kanë dakordim për t’i mbajtur më herët atëherë janë disa opsione që i lejon Kushtetuta e Kosovës dhe shpallët data e zgjedhjeve.
(Kosova Sot Online)
