Vuçiq takohet me kryetarin e Komitetit Ushtarak të BE-së, thotë se me të foli për situatën në Kosovë
Kryetari i Komitetit Ushtarak të Bashkimit Europian, gjenerali Robert Brieger, në Beograd është takuar me presidentin e Serbisë, Aleksandar Vuçiq, përcjell “Kosova Sot Online”.
Vuçiq ka njoftuar se temë e diskutimit ka qenë “siguria e popullit serb në Kosovë”.
“Me kryetarin e Komitetit Ushtarak të Bashkimit Europian kam biseduar për situatën në Kosovë, si dhe për forcimin e bashkëpunimit ushtarako-ekonomik dhe ushtarako-teknik ndërmjet Serbisë dhe BE-së. Theksova se për vendin tonë siguria e popullatës serbe në Kosovë dhe ruajtja e paqes dhe stabilitetit në rajon janë prioritet dhe falënderova forcat ushtarake europiane për angazhimin e tyre në këtë drejtim”, ka shkruar Vuçiq.
(Kosova Sot Online)