Policia e Kosovës largon edhe një billbord me flamur të Serbisë në një kodër të Zveçanit
Policia e Kosovës sot ka larguar edhe një billbord që ishte në një kodër të Komunës së Zveçanit, përcjell “Kosova Sot Online”.
Lajmin e ka konfirmuar zëvendës drejtori i Policisë së Kosovës për rajonin e veriut të Mitrovicës, Veton Elshani.
“Sot Policia e Kosovës ka bërë sigurimin në Lagjen Kroi i Vitakut derisa në vizit ishte Ministri i Punëve të Brendshme dhe Ministri i Pushtetit Lokal. Gjatë kësaj kohe është largu edhe billbordi që ishte në kodër aty në afërsi”, ka thënë Elshani.
Raportohet se në këtë billbord ishte flamuri i Serbisë.
(Kosova Sot Online)