Ja sa autobusë të rinj i shtohen Trafikut Urban
Kryeshefi Ekzekutiv i “Trafikut Urban”, Burim Maraj, sot nënshkroi marrëveshjen me zëvendësdrejtorin e Bankës Evropiane për Rindërtim dhe Zhvillim në Kosovë, Arianit Blakaj, transmeton gazeta “Kosova Sot Online”.
BERZH ka dhënë grant për ta ndihmuar ndërmarrjen për shërbimet e konsulencës për blerjen e 30 autobusëve të rinj, projekt ky që pritet të përfundojë gjatë këtij viti.
Maraj falënderoi BERZH për mbështetjen që po i jep ndërmarrjes “Trafiku Urban”.
“Trafiku Urban” thotë se është i përkushtuar për zhvillimin dhe transformimin e transportit publik në Kryeqytet.
(Kosova Sot Online)
