Policia e Kosovës ka zhvilluar një aksion në Pejë

Policia e Kosovës ka zhvilluar një aksion kontrolli në objektin e “Postës së Serbisë” në Gorazhdec të Pejës, transmeton gazeta "Kosova Sot Online".

Ky zhvillim është vazhdim i aksionit të Policisë së Kosovës që ndodhi ditë më parë në hapësirat e strukturave paralele serbe në fshatrat e Klinës, Istogut dhe Pejës.

Kujtojmë se sot gjatë ditës, një furgon me dinarë serbë nuk është lejuar që të futet në Kosovë, përmes pikëkalimit kufitar në Jarinje.

Zëdhënësi i Doganës së Kosovës, Adriatik Stavileci, tha se në atë automjet ishin disa përfaqësues të një kompanie serbe e cila merret me transportin e parave.

Ai theksoi se personat që ishin në të, ishin afruar te zyrtarët e pikës kufitare dhe kishin pyetur nëse mund të futen në Kosovë

Stavileci tha se furgoni i kësaj kompanie u kthye mbrapsht për shkak të mungesës së licencës nga BQK-ja.

(Kosova Sot Online)