Turqia merr ndihmë financiare nga BE-ja në vlerë prej miliona eurosh

  • A.P /
  • 07 February 2024 - 21:21
Turqia merr ndihmë financiare nga BE-ja në vlerë prej miliona eurosh

Turqia do të pranojë një ndihmë financiare në vlerë prej 400 milionë eurosh nga Bashkimi Evropian, pas tërmeteve shkatërruese që goditën Turqinë një vit më parë, transmeton gazeta "Kosova Sot Online".

Kjo është shifra më lartë që ka ndarë ndonjëherë Fondi për Solidaritet i BE-së për ndonjë shtet kandidat, njoftoi të mërkurën komisionarja evropiane, Elisa Ferreira, pas nënshkrimit të marrëveshjes financiare.

Paratë e kësaj pakoje të ndihmës do të përdoren për restaurimin e infrastrukturës dhe për strehim urgjent. Po ashtu, paratë do të përdoren për të mbrojtur trashëgimin kulturore të Turqisë.

Nga tërmetet e fuqishme të 6 shkurtit të vitit 2023 vranë mbi 60.000 persona në Turqi dhe në Sirinë fqinje.

Pak pas kësaj tragjedie, BE-ja u zotua se do të ndihmojë shtetin me 1 miliard euro gjatë një konference të donatorëve.

Fondi i ndarë prej 400 milionë eurosh është pjesë e kësaj pakete të ndihmës.

(Kosova Sot Online)