Dogana: Pa autorizim të BQK-së nuk lejojmë importim të dinarëve
Dogana e Kosovës ka njoftuar se pala serbe në pikën kufitare në Jarinje ka pyetur nëse mund të importojnë para, transmeton gazeta "Kosova Sot Online".
Zëdhënësi i Doganës, Adriatik Stavileci, ka thënë se pala kosovare ua ka sqaruar se pa pasur autorizim të Bankës Qendrore të Kosovës nuk lejohet qarkullimi i mjeteve monetare.
Sipas tij, përfaqësues të palës serbe sot kanë pyetur në pikën doganore në Jarinje se nëse mund të importojnë para.
(Kosova Sot Online)