Ambasadorët e QUINT’it i ftojnë në takim OJQ’të serbe për të cilat Bislimi i reagoi Lajçakut

E.K /
16 February 2024 - 14:45

Dy ditë pasi zëvendëskryeministri Besnik Bislimi drejtoi kritika ndaj Emisarit të BE’së për dialogun Kosovë-Serbi, Miroslav Lajçak, pasi ai u takua me disa përfaqësues të organizatave joqeveritare serbe, Ambasadorët e QUINT’it i janë kundërpërgjigjur Qeverisë së Kosovës duke ftuar në takim të njëjtat OJQ, përcjell “Kosova Sot Online”.

Pamje nga takimi ka publikuar Ambasadori i Gjermanisë në Kosovë, Jorn Rohde.

“Ambasadorët e QUINT-it [SHBA-ja, Britania e Madhe, Gjermania, Franca, Italia] dhe BE-së vlerësojnë mundësinë për t’u takuar sot me zëvendësin e Avokatit të Popullit dhe përfaqësuesit e komunitetit serb të Kosovës – të cilët janë partnerë të besueshëm në përpjekjet tona të përbashkëta për përmirësimin e të drejtave të njeriut dhe marrëdhënieve ndëretnike për Kosovën”, ka shkruar Rohde, në rrjetin social X, që më herët njihej si Twiter.

Quint and EU Ambassadors appreciated the opportunity to meet today with the Deputy Ombudsperson and representatives of the Kosovo Serb community – all of whom are trusted partners in our shared efforts to advance human rights and interethnic relations in Kosovo. pic.twitter.com/HtPfD9KBxx
— Ambassador Jörn Rohde (@GermanAmbKOS) February 16, 2024