Zbardhet dëshmia e shqiptarit që ekzekutoi me plumb në kokë partneren
Një ngjarje e rëndë ka ndodhur në ishullin e Kretës në Greqi, ku një 39-vjeçar shqiptar ka ekzekutuar me armë zjarri bashkëjetuesen e tij 29-vjeçare, transmeton gazeta "Kosova Sot Online".
Gentian Mino qëlloi ndaj të dashurës rumune me dy plumba dhe më pas lajmëroi policinë ku rrëfeu krimin e kryer.
Ekzekutimi ndodhi në orët e para të së premtes, kur pasi u khye i dehur në banesë, 39-vjeçari ekzekutoi partneren Jana Bajan.
Në dëshminë e dhënë përpara autoriteteve, 39-vjeçari deklaroi shkurtimisht: “U ktheva i dehur dhe e qëllova me dy plumba”.
Pas debatit verbal, shqiptari ka nxjerr armën dhe e ka qëlluar me dy plumba, njëri prej të cilëve në kokë.
Më pas ai ka lënë armën mbi tavolinë dhe ka telefonuar autoritetet, ku ka pritur me qetësi ardhjen e tyre dhe është dorëzuar.
Çifti jetonte në një apartament në katin e 2-të, në rrugën Patroklou, në Kaminia të Kretës.
Kur ambulanca dhe policia kanë shkuar në vendngjarje e kanë gjetur 29-vjeçaren të vdekur, pranë divanit në dhomën e ndenjes.
(Kosova Sot Online)
