Nëna e Navalny - Putinit: Më lejoni të shoh më në fund djalin tim

Lyudmila Navalnaya, nëna e Alexey Nalvalny, ka publikuar një video ku i bën thirrje drejtpërdrejt presidentit rus Vladimir Putin që ta lejoj ta shoh djalin e saj, transmeton gazeta “Kosova Sot Online”.

Navalnaya filmoi videon duke qëndruar jashtë kolonisë penale në Siberi, ku vdiq djali i saj.

“Pas meje është kolonia IK-3 ‘Ujku Polar’, ku më 16 shkurt vdiq djali im, Alexey Navalny. Kam pesë ditë që nuk mund ta shoh. Nuk do të ma japin trupin e tij. As më thuaj se ku është ai”, – thotë ajo, duke parë drejtpërdrejt kamerën, raporton CNN, transmeton Klankosova.tv.

“Po ju drejtohem, Vladimir Putin. Zgjidhja e çështjes varet vetëm nga ju. Më lejoni të shoh më në fund djalin tim. Kërkoj që trupi i Alexey të dorëzohet menjëherë në mënyrë që ta varros në mënyrë njerëzore”.

Lideri i opozitës vdiq gjatë vuajtjes së dënimit në një koloni penale ruse. Shkaku i vdekjes së tij mbetet i paqartë dhe një zëdhënëse e Navalny tha të hënën se trupi nuk do t’i jepet familjes për të paktën 14 ditë.

(Kosova Sot Online)