Gërvalla thotë se s’ka kërkuar largimin e ambasadorit Rohde: Marrëzia nuk paska fund
Ministrja e Jashtme, Donika Gërvalla-Schwarz, ka reaguar pas raportimeve se ka kërkuar largimin e ambasadorit gjerman, Jorn Rohde, përcjell “Kosova Sot Online”.
Gërvalla ka thënë se një gjë e tillë s’është e vërtetë dhe e ka cilësuar si absurde.
Sipas Gërvalles është në vazhdën e fushatave dhe sulmeve të përditshme ndaj saj dhe institucionit që ajo drejton.
Reagimi i plotëi ministres Gërvalla:
Pretendimi që kinse paskam kërkuar largimin e ambasadorit gjerman Rohde është sa i pavërtetë, aq edhe absurd. Është në vazhdën e fushatave dhe sulmeve të përditshme ndaj meje dhe institucionit që drejtoj.
Nuk duhet të befasohemi kur të lexojmë që kam kërkuar edhe shkarkimin e Kancelarit Scholz dhe Ministres së Jashtme Baerbock.
Marrëzia nuk paska fund!
(Kosova Sot Online)