Vitia del me reagim lidhur me rastin 4-vjeçares e cila vdiq në QKUK

Lidhur me rastin 4-vjeçares nga Gjakova, e cila vdiq të hënën në QKUK, ministri i Shëndetësisë, Arben Vitia, ka dalë me reagim,  transmeton gazeta “Kosova Sot Online”..

Prindërit e saj kanë deklaruar se vajza e tyre nuk ka pasur trajtimin e duhur mjekësor dhe se kanë pritur me orë të tëra që mjekët ta kontrollojnë.

Vitia ka thënë se për cilindo që ka mundur të jetë përgjegjës në sistemin shëndetësor duhet të ketë masa, pa vonesë.

Ai ka bërë thirrje që rasti të hetohet në çdo detaj.

“Humbja e jetës së vajzës 4 vjeçare nga Gjakova na ka prekur të gjithëve.  Jemi informuar për përvojën që kanë pasur prindërit nga deklarimet e tyre publike. Për cilindo që ka mundur të jetë përgjegjës në sistemin shëndetësor duhet të ketë masa, pa vonesë.  I bëj thirrje organeve të hetimit që sa më parë rasti të hetohet në çdo detaj.  Ngushëllime të sinqerta familjes dhe të afërmve!”, ka shkruar Vitia.

(Kosova Sot Online)