Ankohet mjeku i kriminelit Mlladiq: Ai rrezikohet nga goditja e dytë në tru

Një ekip mjekësh nga entiteti Republika Srpska, i udhëhequr nga drejtori i Qendrës Klinike Universitare të RS, Vlado Gjajiq, dje ka kryer ekzaminimin e parë mjekësor të kriminelit të luftës Ratko Mlladiq, i cili është dënuar me burgim të përjetshëm, transmeton gazeta “Kosova Sot Online”.

Ekipi mjekësor do të kryejë një tjetër ekzaminim sot. Shefi i Klinikës për Neurologji të UÇK-së të RS-së, Sinisha Miljkoviq, theksoi se dje janë fokusuar në dokumentacionin e gjerë, si dhe në terapinë që po merr Mlladiq.

Kemi kaluar katër orë duke biseduar me të. Ai ka pasur dy goditje në tru, gjithashtu ka probleme me zemrën dhe psikosomatike dhe merr një numër të madh të barnave”, tha Miljkoviç për RTRS.

Ai theksoi se kanë biseduar edhe për terapi fizike e sociale.

“Ne do t’i kushtojmë vëmendje edhe parandalimit dytësor, sepse rreziku i një goditjeje të re është i lartë. Ne do të përgatisim një raport gjithëpërfshirës dhe do t’ia dorëzojmë Shërbimit Mjekësor në Hagë. Ne do të paraqesim edhe rekomandimet tona”, ka shtuar Miljkoviq.

Kujtojmë se Ratko Mlladiq është dënuar me burgim të përjetshëm. Ai u shpall fajtor për krime lufte, përfshirë gjenocidin në Srebrenicë, të kryera në territorin e Bosnjës dhe Hercegovinës nga viti 1992 deri në vitin 1995. Gjithashtu, ai u shpall fajtor për NPK-në e kryer në zonën e Sarajevës.

(Kosova Sot Online)