Kurti ka pritur një grup të fëmijëve në sallën ku Qeveria e Kosovës mban mbledhjet

  • A.P /
  • 22 February 2024 - 21:00
Kurti ka pritur një grup të fëmijëve në sallën ku Qeveria e Kosovës mban mbledhjet

Kryeministri i Kosovës, Albin Kurti, ka pritur një grup të fëmijëve të shkollës fillore në sallën ku Qeveria e Kosovës mban mbledhjet, transmeton gazeta "Kosova Sot Online".

Kurti ka postuar një video në Facebook, ku fëmijët shihen të jenë të entuziazmuar nga prezenca në atë sallë.

Kujdestarja e këtyre fëmijëve pyet se “kush do të ulet në karrigen e kryeministrit”.

“Pyetjet e tyre ishin melodi për ne, e që na mahnisnin me botën e tyre kureshtare. Ata ishin të interesuar për gjithçka që e rrethonte sallën ku ishim, punën që bëjmë, detyrat që kemi por edhe ambjentet e tjera në Ndërtesën e Qeverisë të cilat i vizituan”.

“Fëmijët janë e tashmja dhe e ardhmja. E tashmja sepse sot jetojmë bashkë me ta, punojmë e përkushtohemi maksimalisht që ata të kenë një shtet të drejtë e demokratik; dhe e ardhmja sepse ata do ta prijnë shtetin dhe avancojnë Republikën. Për fëmijët duhet të gjithë të jemi shembull e model, në çdo spektër të shoqërisë, dhe ta pasurojmë dijen e tyre”, ka thënë Kurti.

(Kosova Sot Online)