E zbulon Osmani: Do të ketë ndërmjetësues të ri në dialogun Kosovë – Serbi

Presidentja e vendit, Vjosa Osmani, ka deklaruar se pas zgjedhjeve në Bashkimin Evropian, pritet të ketë edhe ndërmjetësues të ri për dialogun Kosovë – Serbi, transmeton gazeta "Kosova Sot Online".

E para e shtetit tha se këtë informacion ia ka dhënë vetë emisari Lajçak, i cili mandatin e ka deri në gusht.

“Në maj janë zgjedhjet në BE. Pas zgjedhjeve në BE do të kemi komisioner të ri, zyrtarë të ri që do ta marrin përsipër procesin e dialogut, sipas të gjitha gjasave edhe ndërmjetësues të ri, nga ajo që më është thënë nga vet Lajçak, i cili e ka mandatin deri në gusht në mos gabohem”, ka thënë Osmani.

Osmani gjatë ditës ka deklaruar se çështja e dinarit duhet të zgjidhet në Kosovë dhe nuk duhej të ishte bërë fare çështje.

“Nuk është dashur të krijohet si përplasje me aleatët”, tha Osmani për media.

(Kosova Sot Online)