Gjilan: Arrestohet një person, vodhi 27 koshere të bletëve

Një person është arrestuar në Gjilan, për shkak se i njëjti dyshohet se ka vjedhur nga bletarë të ndryshëm rreth 27 koshere të bletëve, përcjell “Kosova Sot Online”.

Bëhet e ditur se gjatë kontrollit në shtëpinë e të dyshuarit janë gjetur dhe sekuestruar: një pushkë M48, një granatë dore, 28 fishekë, 3 gëzhoja, 7 boca gazi për pistoletë dhe 4 detonatorë elektronikë.

Njoftimi i Policisë:

VJEDHJE E RËNDË /ARMËMBAJTJE PA LEJE

Gjilan 17-21.02.2024. Është arrestuar i dyshuari mashkull kosovar për shkak se i njëjti dyshohet se ka vjedhur nga bletarë të ndryshëm rreth 27 koshere të bletëve. Gjatë kontrollit në shtëpinë e të dyshuarit janë gjetur dhe sekuestruar: një pushkë M48, një granatë dore, 28 fishekë, tri gëzhoja, 7 boca gazi për pistoletë dhe 4 detonatorë elektronik. Në vendin e ngjarjes kanë dalë edhe ekipet për deminim të FSK-së dhe KFOR-it që e kanë tërhequr granatën e dorës dhe kanë shpërthyer detonatorët pa incidente. I dyshuari pas intervistimit në prani të avokatit, me urdhër të prokurorit është dërguar në mbajtje.

(Kosova Sot Online)