N1: Në Bruksel ka nisur një raund i ri diskutimesh mes ekspertëve financiarë, Lajcak po ndërmjetëson

Një raund i ri i diskutimeve ka nisur në Bruksel. Televizioni N1 shkruan se ky takim po zhvillohet në nivel të ekspertëve financiarë të BE-së, Kosovë dhe Serbisë, dhe bisedimet po ndërmjetësohen nga Miroslav Lajcak.

Temë e takimeve të sotme është Rregullorja e re e Bankës Qendrore të Kosovës që ka ndaluar pagesat me dinarë dhe ka përcaktuar euron si valutën e vetme.

Më herët takime me Miroslav Lajcak ka zhvilluar kryenegociatori serb, Petar Petkovic, ndërsa zëvendëskryeministri Besnik Bislimi s’ka udhëtuar drejt Brukselit..

Kosova përfaqësohet sot nga zyrtarë të Bankës Qendrore të Kosovës.

(Kosova Sot Online)