Zelensky: Shqipëria mbështeti Ukrainën, luftën tonë për liri dhe integritet territorial
Presidenti i Ukrainës, Volodymyr Zelensky, që ndodhet në Tiranë në kuadër të Samitit për Ukrainën ka shkruar rreth takimit me kryeministrin e Shqipërisë në ambientet e kryeministrisë, përcjell “Kosova Sot Online”.
Zelensky, përmes një postimi në rrjetin social “X”, thotë se me Ramën kanë diskutuar për nevojat e mbrojtjes së Ukrainës dhe mundësinë e prodhimit të përbashkët të armëve.
Zelensky ka shkruar se gjatë takimit me Ramën nënshkruan Marrëveshjen e Miqësisë dhe Bashkëpunimit ndërmjet Ukrainës dhe Shqipërisë.
“Që në ditët e para të pushtimit, Shqipëria mbështeti Ukrainën, luftën tonë për liri dhe integritet territorial. Gjatë takimit me kryeministrin Edi Rama, nënshkruam Marrëveshjen e Miqësisë dhe Bashkëpunimit ndërmjet Ukrainës dhe Shqipërisë. Ky dokument do të kontribuojë në zhvillimin e bashkëpunimit tonë dhe forcimin e pozitave të Ukrainës në rajonin e Ballkanit. Sot folëm edhe për nevojat e mbrojtjes së Ukrainës dhe mundësinë e prodhimit të përbashkët të armëve. Falë qeverisë dhe popullit të Shqipërisë, ne nuk do ta harrojmë kurrë qëndrimin e ngrohtë të shoqërisë suaj ndaj ukrainasve!”, ka shkruar Zelensky në “X”.
Since the first days of the full-scale invasion, Albania has supported Ukraine in our struggle for freedom and territorial integrity.
— Volodymyr Zelenskyy / Володимир Зеленський (@ZelenskyyUa) February 28, 2024
During the meeting with Albanian Prime Minister Edi Rama @ediramaal we signed the Treaty on Friendship and Cooperation between Ukraine and… pic.twitter.com/fFkSqhpSPu
(Kosova Sot Online)
