Paralajmërohet shi me baltë në Kosovë, si pasojë e pluhurit saharian

Për të enjten në Kosovë parashikohet të mbajë mot me vranësira të shpeshta dhe intervale me diell, ku priten edhe reshje lokale shiu, kryesisht gjatë orëve të mëngjesit dhe mbrëmjes, transmeton “Kosova Sot Online”.

Reshjet në momente të caktuara mund të jenë në formë të rrebesheve afatshkurtër, të shoqëruara edhe me pak baltë, si pasojë e pluhurit saharian. Ka mundësi të ketë ndonjë vetëtimë dhe bubullimë në Rrafshin e Dukagjinit.

Temperaturat minimale do të lëvizin prej 7 deri në 9 gradë C, ndërsa ato maksimale prej 14 deri në 18 gradë Celsius, shkruanMeteoKosova.

(Kosova Sot Online)