Përfshihet nga zjarri një banesë në këtë vend të Kosovës

Raportohet se sot pasdite në lagjen Mati 1 në Prishtinë një banesë është përfshirë nga zjarri, transmeton gazeta "Kosova Sot Online".

Policia ka konfirmuar se s’ka të lënduar.

Lajmin e ka konfirmuar zëdhënësja e policisë për rajonin e Prishtinës, Flora Ahmeti, e cila ka deklaruar se në vend të ngjarjes janë policia dhe zjarrfikësit.

“Sot rreth orës 17:00, kemi pranuar informatën për një incident zjarri në lagjen Mati 1, në Prishtinë, ku nga zjarri është përfshirë një banesë.Në vendngjarje kanë dalë zjarrfikësit dhe policia të cilët po merren me rastin. Nuk është raportuar për ndonjë person të lënduar”, ka thënë Ahmeti.

(Kosova Sot Online)