Osmani: Koordinimi me partnerë në çdo etapë janë boshti i suksesit

Presidentja e Kosovës, Vjosa Osmani gjatë Forumit Diplomatik në Antalia është takuar me personalitete të ndryshme botërore, transmeton gazeta "Kosova Sot Online".

Ajo përmes një shkrimi në Facebook, ka thënë se në këtë forum, ka folur për Kosovën si shembull suksesi i angazhimit diplomatik në dobi të lirisë e demokracisë.

“Fuqia e aleancave, angazhimi për dialog dhe koordinimi i vazhdueshëm me partnerë në çdo etapë të historisë së Republikës sonë janë boshti i suksesit dhe arritjeve kulminante të Kosovës.

Në panelin e liderëve në Forumin Diplomatik në Antalya fola për Kosovën si shembull suksesi i angazhimit diplomatik në dobi të lirisë e demokracisë”, ka shkruar presidentja Osmani.

(Kosova Sot Online)