Prishtinë: Arrestohet një person për grabitje në tentativë
Policia e Kosovës ka arrestuar një person për grabitje në tentative, përcjell “Kosova Sot Online”.
Personi i dyshuar është arrestuar në flagrancë, në një barnatore në lagjen Ulpiana në Prishtinë.
Zëdhënësja e Policisë për rajonin e Prishtinës, Flora Ahmeti, tha se i arrestuari dyshohet se është përfshirë edhe në raste tjera të natyrës së njëjtë.
“Arrestohet një person për grabitje në tentativë. Sot rreth orë 10:30, nga zyrtarët policor të stacionit Jugu në Prishtinë, është arrestuar një person, për të cilin ekziston dyshimi i arsyeshëm se është përfshirë në një rast të grabitjes së mbetur ne tentativë. Personi i dyshuar është arrestuar në flagrancë, në një barnatore në lagjen Ulpiana në Prishtinë. Ndaj tij kanë filluar procedurat nevojshme policore në koordinim me prokurorin e shtetit, i njëjti dyshohet të jetë i përfshirë edhe në raste të tjera të natyrës së njëjtë”.
(Kosova Sot Online)