Policia kërkon ndihmë për identifikimin dhe arrestimin e këtij personi

Policia e Kosovës ka kërkuar ndihmën e qytetarëve për identifikimin dhe arrestimin e një personi të dyshuar, përcjell “Kosova Sot Online”.

Personi në fjalë po kërkohet për një rast të vjedhjes që ka ndodhur në muajin janar të këtij viti.

Në faqen zyrtare, Policia ka publikuar një fotografi të të kërkuarit dhe ka kërkuar që kushdo që ka informata që mund të çojnë në identifikimin e personit apo vendndodhjes së tij, ta kontaktojnë policinë në numrin e telefonit 192.

“Njësiti i hetimeve të stacionit policor Qendra në Prishtinë, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin dhe arrestimin e personit që shihet në fotografi. I dyshuari kërkohet për një rast të vjedhjes që ka ndodhë në muajin janar, 2024. Të nderuar, për çdo informatë që mund të çojë në identifikimin e personit apo vendodhjes së tij, kontaktoni policinë në numrin e telefonit: 192”, thuhet në njoftim.

(Kosova Sot Online)