Nga të shtënat me armë zjarri në një lokal raportohet për tre të plagosur në këtë vend të Kosovës

Të dielën në ora 00:10, raportohet se ka pasur gjuajtje me armë në Gjakovë, transmeton gazeta “Kosova Sot Online”.

Tre persona të gjinisë mashkullore kanë marrë plagë.

Lajmin e ka konfirmuar Sheremet Elezaj, zëdhënës i Policisë së Kosovës për rajonin e Gjakovës.

Ai ka thënë se të shtënat kanë ndodhur në një lokal në Gjakovë.

“Sot rreth orës  00:10 kemi pranuar informatë për të shtëna me armë zjarri në një lokal në rrugën “Fan Stilian Noli” në Gjakovë, ku për pasojë tre persona (meshkuj të moshës madhore) kanë marrë plagë,  të cilat dyshohet të jenë shkaktuar nga armë zjarri.  Policia menjëherë ju ka përgjigjur rastit dhe viktimave ju është ofruar trajtim mjekësor, nga informatat e para të pranuara, gjendja e tyre shëndetësore është stabile.  Aktualisht jemi duke kryer procedurat e nevojshme hetimore në drejtim të zbardhjes së rastit dhe kapjen e të dyshuarit. Në konsultim me prokurorin e shtetit është iniciuar rast “vrasje në tentativë” dhe “mbajtje në pronësi , kontroll ose posedim të paautorizuar të armëve”, ka thënë Elezaj.

(Kosova Sot Online)