Një femër dyshohet se është dhunuar në Fushë Kosovë, ishte nën ndikim të alkoolit

E.K /
11 March 2024 - 08:54

Një femër dyshohet se është dhunuar në Fushë Kosovë, përcjell “Kosova Sot Online”.

Sipas raportit 24 orësh të Policisë së Kosovës, vajza dyshohet se ka qenë nën ndikimin e alkoolit dhe se rasti ka ndodhur më 30 dhjetor të vitit të kaluar.

I dyshuari është arrestuar dhe pas intervistimit me vendim të prokurorit është dërguar në mbajtje.

Policia njofton se është sekuestruar një pistoletë me gaz nga i dyshuari.

Rasti është duke u hetuar.

“Fushë Kosovë 30.12.2023-00:10. Është raportuar se viktima femër kosovare përderisa ishte nën ndikim të alkoolit, dyshohet se ishte dhunuar nga i dyshuari mashkull kosovar. I dyshuari është arrestuar dhe pas intervistimit me vendim të prokurorit është dërguar në mbajtje. Nga i dyshuari është sekuestruar një pistoletë me gaz. Rasti nën hetime”, thuhet në raportin e Policisë.

(Kosova Sot Online)